Besuchstag

  Mier sind wider traditionell mit em Pfiff gweckt worde und üsi erscht Ufgab isch gsii, im Zelt echli Ordnig zschaffe, will ja hüt de Bsuechstag isch. Nach em feine Zmorge hemmer üs schnellstens ad Ämptli gmacht. Am 10ii sind den di erschte Eltere cho und will mer ned so vorwärts gmacht hend, sind einigi immer no ade Ämptli gsi. Nach emene lange Empfang hets au scho Zmittag geh. Denn hemmer mit allne Bsuecher und de Teilnehmer zeme in Gruppe spiili gspillt. Für jedes erfolgriiche Game hemmer en Teil vonere Schatzcharte übercho. Am Schluss hemmer de Schatz gfunde. Nach und nach sind d Eltere gange und mier hend echli Freiziit gha. Wo d Leiter agfange hend dumm ztue wills verfluecht worde sind, hemmer schnell realisiert, dass de Demotag afaht. De Kambly, d Duracell und de LTB sind ab jetz Leiter und mier sind gspannt, was sie mit üs vorhend.